Хятадын шүүх Канадын иргэнийг мансууруулах бодисын хэргээр шүүнэ
Канад, Хятад улсуудын харилцаанд үл ойлголцол гарсны дараа Бээжин дэх эрх баригчид Канадын гурван иргэнийг удаа дарааллан баривчлан саатуулаад байгаа.
Ирэх амралтын өдөр Хятадын шүүх Канадын иргэнийг мансууруулах бодисын хэргээр шүүнэ гэдгээ мэдэгджээ.
Засгийн газрын эх сурвалжийн мэдээгээр Лиаонинг мужийн дээд шатны шүүх Канадын иргэн Роберт Лойд Шелленбэргийг Далиан хотод мансууруулах бодис хууль бусаар наймаалахыг оролдсон гэж үзэн яллах юм байна.
Канад улсын Засгийн газраас одоогоор ямар нэг хариу мэдэгдэл хийгээгүй ажээ.
2009 онд Хятадын шүүх героин хууль бусаар наймаалсан Британийн иргэнд цаазаар авах ял оноож хэрэгжүүлсэн байдаг.
Бээжингээс “Huawei” технологийн компанийн гүйцэтгэх захирал Мэн Ванжоуг суллахыг шаардсан бол хариуд нь Ванкуверээс Канадын хоёр иргэнийг суллахыг шаардаад байгаа.
/https://www.thestar.com/content/dam/thestar/politics/federal/2018/12/20/hundreds-of-canadians-held-by-china-raise-stakes-for-trudeau-government/meng_wanzhou.jpg)
Мэн Ванжоуг батлан даалтанд суллаад байгаа ч хэргийг нь АНУ-ын Засгийн газарт шилжүүлэх магадлалтай.
Америкийн шүүх “Huawei” компанийг Ираны эсрэг хориг арга хэмжээг зөрчсөн гэдгийг баталбал дээд тал нь 30 жил хүртэл хорих ял оноох эрсдэлтэй юм.
Эх сурвалж: www.reuters.com
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.