Дартсын ДАШТ-ний "Тулаан" ширүүсч байна

Англи улсын Лондон хотноо 26 дахь удаагийн Дартсын 2018-2019 оны "William Hill World Darts Championship" ДАШТ явагдаж байна. Нийт 96 тамирчин хүч үзэж буй ДАШТ 12 сарын 13-наас 2019 оны 1 сарын 1 хүртэл явагдах юм. Уг дэлхийн аваргад дэлхийн чансааны шилдэг 32 тамирчин болон PDC Pro Tour тэмцээнүүдээс оноо цуглуулсан шилдэг 32 тамирчин шалгарч оролцож байгаагаас гадна дэлхийн өнцөг булан бүрээс 32 тамирчин оролцож нийт 96 тамирчин 20 өдрийн "тулалдах" юм.

Энэхүү тэмцээний шагналын сангийн хувьд нийт 2.500.000 паунд болж өссөн нь өмнөх оны ДАШТ-ний шагналын сангаас даруй 700.000 паундаар өссөн байна. Тэмцээний ялагч 500.000 паунд буюу монгол мөнгөөр 2 тэрбум орчим төгрөгийг хүртэх юм. 

Оролцогч улсуудын тухайд нийт 28 орноос тамирчид оролцож байгаа ба Англи улсаас хамгийн олон буюу 34 тамирчин оролцож байгаа бол Голланд улсаас 13 тамирчин оролцож байгаа юм. 

ДАШТ-ий 1 болон 2 дугаар тойргын тоглолтуудын онцлох агшинг та бүхэндээ хүргэж байна. 

Шөвгийн 16-д үлдэх тулаанд Дэлхийн чансааны 1-т эрэмблэгдэж буй Голландын Майкл Ван Гервин Германы тамирчин Макс Хопптой хэрхэн тоглосон бичлэгийг бүрэн эхээр нь хүргэж байна.