Найман тэрбум төгрөгөөр тав хоног амраана
Засгийн газрын хуралдаанаас энэ шийдвэрийг ирэх баасан гарагт гаргах аж. Жирэмсэн эх, 0-5 хүртэл насны хүүхэдтэй эхчүүдийг нэр бүхий 29 амралт, сувиллын газарт тав хоног амраах бөгөөд энэ нь агаарын бохирдлоос хамгаалах зорилготой юм байна. Амрахыг хүссэн эхчүүд хүүхдийнхээ хамт дээрх 29 магадлан итгэмжлэгдсэн рашаан сувилалд очих ёстой.
Гэхдээ хүссэн ээж бүхэн хүүхдээ тэврэн очиж болохгүй. Агаарын бохирдол ихтэй буюу 1-4 дүгээр бүсд амьдарч байгаа жирэмсэн эхчүүд, өрхийн амьжиргааны түвшин тодорхойлох судалгааны 409 ба түүнээс доош оноотой өрхийн 0-5 настай хүүхэдтэй эхчүүд л очиж болно.
Урьдчилсан тооцоогоор 10 600 орчим жирэмсэн эх болон 35 мянга орчим ээж 65 мянган хүүхдийн хамт /0-5 нас/ хамрагдах бололтой.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.