🔴Л.Мөнхбаясгалан: МАН-ын 68 гишүүнээс 60 нь сайд болсон байна. Шинэ засгийн газраас юу ч хүлээх хэрэггүй

Шинэ Засгийн газрын бүтэц, бүрэлдэхүүний асуудал улс төрийн хүрээнд яригдаж байна. Гэвч шинээр томилогдох сайд нарын нэрс тодорхой болох тусам олон нийтийн зүгээс шүүмжлэлтэй хандаж байна. Тухайлбал, Б.Дэлгэрсайхан, Б.Чойжилсүрэн, Т.Доржханд болон Гадаад харилцааны сайд Б.Батцэцэг нарыг улиран ажиллахыг эсэргүүцсэн байр суурь давамгайлж байгаа юм. Ардын намын 68 гишүүний 60 нь өмнө нь сайдын алба хашиж үзсэн нь засагт хэн ч томилогдсон өөрчлөлт гарахгүй гэх иргэдийн итгэл алдрахад хүргэж байна хэмээн УИХ-ын гишүүн Л.Мөнхбаясгалан дараах байр суурийг илэрхийлэв.

УИХ-ын гишүүн Л.Мөнхбаясгалан: 

-Засгийн газрын 2024-2028 оны үйл ажиллагааны хөтөлбөр болон ирэх онуудын гүйцэтгэлийн төлөвлөгөөг хэлэлцэх үед дандаа "сандал ширээний" маргаан дагалддаг. Улсын төсөв батлах, таван жилийн төлөвлөгөө гаргах зэрэг улс орны чухал асуудлуудыг хэлэлцэх үед бодлогын чанартай шийдвэр гаргахаас илүүтэй албан тушаалын хуваарилалт хийсээр ирсэн нь шинэ Засгийн газраас их зүйл хүлээх хэрэггүй гэх дүгнэлтэд хүргэж байна.

Шинэ бүтэц бүрэлдэхүүн яригдах бүрд "цомхон, чадварлаг" гэх тодотголыг ашигладаг ч бодит байдал дээр фракц хоорондын тохиролцоо давамгайлдаг. Сайд нар дэд сайдыг ажлын ачаалал хуваалцдаг "туслах" мэтээр тайлбарладаг ч, чадна гэж амлаж ажил авсан бол ажлаа бие даан гүйцэтгэх ёстой.