Н.Учралын "Улс төрийн шийдвэр" гарга гэх үгийн цаана...
УИХ-ын хаврын чуулган эхлээд арав гаруй хонож байгаа ч парламент гацаанд ороод буй. УИХ дахь Ардчилсан намын бүлэг "Олон намын төлөөлөл бүхий парламентыг нэг намын дарга удирдах нь зохимжгүй" гэх шалтгаанаар чуулганыг гацаагаад байгаа билээ.
Өнөөдөр хуралдах байсан УИХ-ын нэгдсэн чуулган мөн л хуралдаж чадсангүй. Дөнгөж сая УИХ-ын дарга Н.Учрал чуулганы индэр дээрээс мэдээлэл хийлээ. Товчдоо тэрбээр, улс төрийн гацааг арилгахын тулд "УЛС ТӨРИЙН ШИЙДВЭР" гарга хэмээн УИХ дахь МАН-ын бүлэгтээ чиглэл өглөө.
Энэ үгийн ард Ардчилсан намын бүлгийн шахалтыг хүлээн авч, одоогийн Засгийн газрыг огцруулах, цаашлаад МАН-ын даргын хувиар гүйцэтгэх засаглалын тэргүүний суудлаа улс төрийн шахалтаар авъя гэсэн агуулга уншигдаж буй юм. Тэрээр мөн, төрд гацаа биш гарц гаргалгаа хэрэгтэй хэмээн тодотгов.
УИХ-ын дарга Н.Учралын хэлсэн үгийг видео хэлбэрээр үзэхийг хүсвэл ЭНД дарна уу
Түүний мэдэгдлийн араас УИХ дахь МАН-ын бүлгийн хуралдаан 14 цагт зарлагджээ. Дөнгөж сая УИХ-ын дарга Н.Учрал өрөөндөө УИХ-ын гишүүн Д.Амарбаясгаланг дуудаж уулзаж байна.
Сэтгэгдэл (1)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.