Шон Пенн гурав дахь Оскарын шагналаа мөн л гардан авсангүй
Саяхан болж өнгөрсөн 98 дахь удаагийн Оскарын шагнал гардуулах ёслолын үеэр нэрт жүжигчин Шон Пенн, Пол Томас Андерсоны найруулсан "One Battle After Another" кинонд бүтээсэн хурандаа Стивен Локжогийн дүрээрээ Шилдэг эрэгтэй туслах дүрийн төрөлд гурав дахь алтан баримлаа хүртлээ.
Хэдийгээр тэрээр ийнхүү түүхэн амжилт үзүүлсэн ч шагнал гардуулах ёслолд биеэр ирээгүй бөгөөд түүний шагналыг жүжигчин Киран Калкин гардан авсан юм. Энэхүү үйл явдал нь Пеннийг Холливудын хамгийн өвөрмөц бөгөөд зөрчилтэй эрхэм гэдгийг дахин бататгалаа.
The New York Times сонины мэдээлснээр, Шон Пенн шагнал гардуулах ёслолын өдөр Украинд байсан бөгөөд Ерөнхийлөгч Зеленский болон тус улсын ард түмэнд хүмүүнлэгийн болон улс төрийн дэмжлэг үзүүлэх олон жилийн ажлаа үргэлжлүүлж байжээ. Тэрээр зөвхөн Оскар төдийгүй BAFTA болон Кино жүжигчдийн эвлэлийн шагнал гардуулах ёслолуудыг ч алгассан байна. Киран Калкин түүний шагналыг авахдаа "Шон Пенн өнөөдөр энд ирж чадсангүй. Эсвэл ирэхийг хүссэнгүй" хэмээн хошигносон нь түүний шагналд хандах хандлагыг илтгэсэн юм.
Шон Пенний карьер амжилтаар дүүрэн байсан ч түүний хувийн амьдрал үргэлж дуулиан шуугиан дунд өрнөж ирсэн.
Тэрээр Мадонна, Робин Райт болон Лейла Жорж нартай хийсэн гэрлэлтүүддээ хүчирхийлэл, араар тавилт, сэтгэл санааны дарамт үзүүлж байсан гэх хэл амнаас салж байгаагүй юм.
Тухайлбал, 1987 онд Мадоннаг зодсон хэргээр буруутгагдаж байсан ч хожим нь дуучин бүсгүй үүнийг үгүйсгэж байв. Харин сүүлийн үеийн ярилцлагадаа Пенн өөрийн депресс, согтууруулах ундаа болон нойрны эмийн хамаарлаас болж сүүлчийн гэрлэлтээ сүйрүүлснээ хүлээн зөвшөөрсөн байдаг.
Жүжигчний муу залуу-гийн дүр төрх нь зөвхөн гэр бүлийн харилцаагаар хязгаарлагдахгүй. Тэрээр папарацци нартай зүй бусаар харьцаж, буу тулгах, зодох зэрэг үйлдлүүд гаргаж байсан бөгөөд 1987 онд 33 хоног шоронд хоригдож байсан түүхтэй. 2026 оны эхээр хэвлэлүүдэд түүний эрүүл мэндийн байдал, ялангуяа тамхи, согтууруулах ундааны хэт их хэрэглээ нь ойр дотныхон болон хуучин эхнэр Мадоннаг нь түгшээж байгаа тухай мэдээллүүд гарч эхэлсэн. Зарим эх сурвалжууд түүнийг "өөрийгөө устгах горим"-д шилжсэн хэмээн тодорхойлж байна.
Гэсэн хэдий ч Шон Пенн маргашгүй авьяас билэгтэй болон хүмүүнлэгийн үйлс бүтээдэг нэгэн.
Гаити дахь газар хөдлөлт, Катрина хар салхины хор уршгийг арилгахад оруулсан хувь нэмэр нь түүнийг язгууртны зорилготой бослого гаргагч болгон харагдуулдаг. Өдгөө 65 настай тэрээр дэлхийн кино урлагийн мастер хэвээр үлдэж, алдар нэр болон хувийн амьдралынхаа эмх замбараагүй байдлын зааг дээр тэнцвэрээ хадгалахыг хичээсээр байна.
Эх сурвалж:
• vk.com
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.