Гуандүн Хүйтянь агаар, сансарын Технологийн ХХК

"Е замаар - хамтран ажиллаж, хөгжилд цугтаа урагшилъя" Монгол, Хятадын цахим хэвлэл мэдээллийн сэтгүүлчдийн Гуандүн, Өвөр Монгол дахь хамтарсан сурвалжилгын арга хэмжээ үргэлжилж байна. 

Монголын сэтгүүлчдийн баг хамт олныг Гуандүн Хүйтянь агаар, сансарын Технологийн компанийн үйл ажиллагаатай танилцуулжээ. 

Гуандүн Хүйтянь агаар, сансарын Технологийн ХХК /товчилсон нэрээр “Шяопэн Хүйтянь”/ нь 2020 онд байгуулагдсан бөгөөд автомашин үйлдвэрлэлийн "Шяопэн" группийн охин компани юм. Тус компанийн төв нь Гуандүн, Хонконг, Макаогийн Их булангийн бүсийн гол бүсэд байрладаг. 

Ухаалаг цахилгаан нисдэг автомашины судалгаа, хөгжил, үйлдвэрлэл, үйлчилгээний чиглэлээр мэргэшсэн, улсдаа "аварга", дэлхийд “юникорн” компани бөгөөд хүн төрөлхтөний хотын олон түвшний тээврийн шинэ шийдлийг бий болгохыг зорьж байгаа аж. Үйл ажиллагааны хамрах хүрээ нь ухаалаг нисдэг төхөөрөмжийн үйлдвэрлэл ба борлуулалт, хиймэл оюун ухаанд суурилсан программ хангамжийн хөгжүүлэлт, нисэхийн үйл ажиллагааг дэмжих үйлчилгээ зэрэг олон чиглэлийг хамардаг. Бүтээгдэхүүн нь хотын нам өндөрт зорчих тээвэр, аялал жуулчлал, яаралтай аврах ажиллагаа, агаараас эргүүлэх харуул зэрэг олон төрлийн хэрэглээтэй гэнэ.

Өнөөгийн байдлаар тус компани дотоод гадаадын нийт 360 патент эзэмшдэг бөгөөд үүнээс 139 нь зохион бүтээлийн патент юм. Үндсэн патентууд нь нисдэг автомашины хөдөлгүүрийн систем, аюулгүй ажиллагааны систем, навигац авионик систем, автоматит жолоодлого, нислэгийн удирдлага, бүтцийн цогц шийдэл зэрэг салбарын гол технологийг хамардаг бөгөөд техникийн чадавх нь салбартаа тэргүүлэгч түвшинд хүрсэн байна.

Гол бүтээгдэхүүний бүтцийн хувьд, Шяопэн Хүйтянь нь олон төрөлжсөн нисдэг автомашины бүтээгдэхүүний матриц бүрдүүлжээ. Хамгийн шинэлэг нь нисдэг автомашин юм. Нисдэг хэсэг ба газрын хөдөлгөөний хэсгийг салгаж ажиллуулах бүтэц нь нислэгийн үед олон удаагийн нэмэлт цэнэглэлт хийх боломжийг олгодог. Мөн автомашинд суурилуулсан автоматаар салгах, нэгдэх механизм болон нэг савааны удирдлагын систем нь хэрэглэгчдэд нислэг (газрын) хөдөлгөөний горимыг нэг товчоор солих боломж олгож, газрын хөдөлгөөний хязгаарлалтыг даван гарч, олон давхаргат тээврийн шинэ боломжийг нээж байна.

Үүнээс гадна, газрын болон агаарын хосолмол нисдэг автомашин нь спорт загварын хэлбэрийг эвхэгддэг деформацийн системтэй хослуулж, газрын замын зохицлын шаардлага болон нам өндөрт нислэгийн чадварыг давхар хангаж, богино зайн нам өндөрт зорчих хэрэгцээтэй төгс нийцдэг.