Өнөөдөр манай хүнд жингийн хүчтэнүүд зодоглоно

Жүдо бөхийн Абы Дабыгийн их дуулга өнөөдөр гурав дахь өдрөө үргэлжлэн явагдаж байна. 

Эхний хоёр өдрийн дараах байдлаар манай баг, тамирчид хос мөнгөн медаль хүртээд байна. Эрэгтэйчүүдийн -60кг жинд мөнгөн медаль хүртсэн дэлхийн аваргын мөнгөн медальт Э.Ариунболдын барилдааныг энд дарж, эмэгтэйчүүдийн -63кг жинд мөнгөн медаль хүртсэн дэлхийн аваргын хошой медальт МУГТ Л.Энхрийлэнгийн барилдааныг энд дарж үзнэ үү. 

Өнөөдөр тэмцээний сүүлийн өдөр хүнд жингийн барилдаанууд явагдах ба манай улсаас дараах бөхчүүд зодоглоно. 

Эрэгтэйчүүдийн -90кг жинд:

Залуучуудын ази тивийн аваргын хошой хүрэл медальт Ц.Ган-Эрдэнэ энэ оны тав дахь их дуулга тэмцээндээ зодоглож байна. Тэрээр D хэсгийн эхний тойрогт 2021 оны залуучуудын дэлхийн аваргын мөнгөн медальт Нидерландын Тиго Ренестэй учраа таарсан байна. 

Эрэгтэйчүүдийн -90кг жингийн D хэсгийн оноолт

Эрэгтэйчүүдийн +100кг жинд:

Улаанбаатарын их дуулгын хошой аварга Б.Гончигсүрэн В хэсэгт эхний тойрогт гоц мөргөж улмаар хоёрдугаар тойрогт Эстонийн залуу бөхтэй учраа таарсан байна. Харин Тел Авив, Парис, Абу Дабыгийн их дуулгуудын аварга О.Цэцэнцэнгэл С хэсэгт эхний тойрогт Австрийн залуу бөхтэй оноолт таарсан байна. 

Эрэгтэйчүүдийн +100кг жингийн В, С хэсгийн оноолт

Эмэгтэйчүүдийн +78кг жинд:

Улаанбаатар их дуулгын хошой хүрэл, Душанбегийн их дуулгын хүрэл медальт Д.Номинзул эхний тойрогт гоц мөргөж, хоёрдугаар тойрогт БНСУ болон Узбекистаны бөхчүүдтэй ялсантай барилдах оноолттой байна. 

Эмэгтэйчүүдийн +78кг жингийн D хэсгийн оноолт