6 тэрбум гаруй төгрөгийн шагналын сантай тэмцээн эхэллээ
Мэргэжлийн снукер биллиардын 49 дэх удаагийн алдарт "UK Championship" тэмцээн хөшгөө нээлээ.
1977 оноос эхлэлтэй тус тэмцээн нь мэргэжлийн снукер биллиардын ертөнцийн хувьд дэлхийн аварга шалгаруулах тэмцээн, мастерсийн дараа орохуйц өнө эртний түүхтэй, чансааны олгодог нэр хүндтэй тэмцээн юм. Тус тэмцээн зохион байгуулагдаж эхэлсэн цагаас хойш домогт Ронни О Сулливан аварга нийт найман удаа түрүүлсэн буюу ноён оргил нь юм. Харин өнгөрсөн онд түрүүлдэг Жадд Трамп аваргын хувьд хоёр түрүү, хоёр үзүүрлэсэн амжилттай явна.
Шагналын сангийн хувьд харьцангуй өндөр буюу нийт 1.205.000 фунт стерлинг буюу монгол мөнгөөр зургаан тэрбум орчим төгрөгийн шагналтай тэмцээн юм.
Дэлхийн чансааг тэргүүлэгч 16 тамирчин болон урьдчилсан шатнаас шалгасан 16 тамирчин буюу нийт шигшмэл 32 тамирчин оролцдог уламжлалтай.
Урьдчилсан шатанд нийт 128 тамирчин өрсөлдсөн ба Лиам Пуллен болон Чан Бингюу нар 147 оноог авч карьертаа чимэг нэмлээ.
Эхний өдөр Жадд Трамп, Жон Хиггинс, Шаун Мөрфи нарын дэлхийн аваргууд өрсөлдөгчдөө буулган авч дараагийн шатанд шалгарлаа.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.