Өнөөдөр МУГТ Л.Энхрийлэн хүч үзнэ
Жүдо бөхийн Абу Дабыгийн их дуулгэ тэмцээн хоёр дахь өдрөө үргэлжлэн явагдаж байна.
Их дуулгын эхний өдөр манай бөхчүүдээс эрэгтэйчүүдийн -60кг жинд дэлхийн аваргын хүрэл медальт Э.Ариунболд мөнгөн медаль хүртсэн талаар бид өмнө нь мэдээлсэн билээ.
Тэгвэл өнөөдөр /11 сарын 29/ эрэгтэйчүүдийн -73, -81, эмэгтэйчүүдийн -63, -70кг жингүүдийн барилдаан явагдах ба монгол улсаа төлөөлөн гурав, АНУ-ын нэр өмнөөс нэг монгол бөх тус тус барилдах хуваарьтай байна.
Эрэгтэйчүүдийн -73кг жинд :
Азийн залуучуудын аваргын хүрэл медальт Ж.Энхтөр В хэсэгт эхний тойрогт гоц мөргөж улмаар хоёрдугаар тойрогт энэ оны Лимагийн гран при тэмцээний мөнгөн медальт Францын залуу жүдоч В.Даяяантай учраа таарсан байна.
Энэ жинд АНУ-ын нэрийн өмнөөс барилдаж Болдбаатар Стевен мөн хүч үзэж байгаа D хэсгийн эхний тойрогт гоц мөргөж улмаар тус хэсгийг тэргүүлэн барилдаж буй 23 хүртэлх насны Европ тивийн аварга Азербайжаны Р.Маммадалиевтэй учраа таарсан байна.
Эрэгтэйчүүдийн -81кг жинд:
Залуу бөх О.Шинэбаяр эхний тойрогт гоц мөргөж улмаар хоёрдугаар тойрогт Францын залуу бөхтэй оноолт таарсан байна.
Эмэгтэйчүүдийн -63кг жинд:
Дэлхийн аваргын хошой медальт МУГТ Л.Энхрийлэн D хэсэгт өрсөлдөх ба эхний тойрогт гоц мөргөж улмаар хоёрдугаар тойрогт Болгар болон Румыны жүдочдын хэн ялсантай хүч үзэх оноолттой байна.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.