🔴 Б.Пүрэвдорж: Т.Доржханд сайд Засгийн газраас гармаар байна гэж ярьж явна

УИХ-ын намрын ээлжит чуулганы өнөөдрийн хуралдаан эхэллээ. Өчигдөр Монгол Улсын нэгдсэн төсвийн 2026 оны төсвийн хүрээний мэдэгдэл, 2027-2028 оны төсвийн төсөөллийн тухай хуульд өөрчлөлт оруулах тухай хуулийн төслийг эцэслэн баталсан билээ. 

Өнөөдрийн чуулганы хуралдаанаар Монгол улсыг 2026-2030 онд хөгжүүлэх Үндсэн чиглэл батлах тухай УИХ-ын тогтоолын төслийг хэлэлцэж эхэллээ. Төслийг Ерөнхий сайд Г.Занданшатар танилцууллаа. Хэлэлцэж буй асуудалтай холбогдуулан гишүүд асуулт асууж хариулт авч байна.

УИХ-ын дэд дарга Б.Пүрэвдорж:

-Ерөнхий сайд аа! Засгийн газраас өргөн мэдүүлсэн таван жилийн үндсэн төлөвлөгөө чинь мэргэжлийн байнгын хороон дээр унасан юм байна. Одоо УИХ-аар давах юм уу? Бодвол Н.Учрал сайд ганцаараа орсон байх л даа. Улсаа хөгжүүлэх төлөвлөгөө хэлэлцэж байхад Засгийн газрын сайд нар чинь орж ирэхгүй байна. Таныг хүндлэхгүй байна уу Г.Занданшатар сайд аа? 6-7 хон сайд сууж байна. Зарим сайд чинь /Т.Доржханд/ ажлаа өгөх юмсан гээд яриад явж байна. За тэр ч яахав.

УИХ-ын гишүүн, Монгол Улсын Шадар сайд Т.Доржханд: 

-Б.Пүрэвдорж гишүүн бид хоёр өмнөх 4 жил хамт гар нийлж сайхан ажилласан юмсан. ХҮН-ын өмнөөс ярьдаг болчихсон юм байна. Манай нам улсын хөгжлөө урагшлуулахын тулд итгэл үнэмшилтэйгээр засгийн газарт ажиллаж байгаа. Өнгөрсөн хугацаанд манай нам ямар ч мэдэгдэл хийгээгүй шүү. АН Засгийн газраас ХҮН-ыг гаргамаар байгаа бол тэрийгээ хэлээрэй. 

Энэхүү ярилцлагыг видео хэлбэрээр үзэх бол ЭНД дарна уу.