УИХ-ын гишүүн Ж.Алдаржавхлангаар ахлуулсан орон сууцны ипотекийн зээлийн хэрэгжилтэд хяналт тавих ажлын хэсэг хуралдлаа

УИХ-ын гишүүн Ж.Алдаржавхлангаар ахлуулсан орон сууцны ипотекийн зээлийн хэрэгжилтэд хяналт тавих, санал дүгнэлт гаргах ажлын хэсэг хуралдлаа 
/2025.09.29/

Монгол банкнаас хэрэгжүүлж буй Орон сууцны ипотекийн зээлийн үйл ажиллагааны хөтөлбөрийн хэрэгжилтийг хянан шалгах, орон сууцны үнийн өсөлтийн бодит байдлыг судлах, холбогдох санал, дүгнэлт гаргах үүрэг бүхий ажлын хэсэг өнөөдөр хуралдлаа. Тус ажлын хэсгийг УИХ-ын гишүүн Ж.Алдаржавхлан ахалж, Улсын Их Хурлын гишүүн Р.Сэддорж, П.Сайнзориг, Н.Батсүмбэрэл, А.Ундраа нарын бүрэлдэхүүнтэй байгуулагдсан. 
Ажлын хэсгийн хурлаар орон сууцны ипотекийн зээлийн өнөөгийн нөхцөл байдал, тулгамдаж буй асуудлын талаар хөндөн ярилцсаны зэрэгцээ Монгол банкны зүгээс хэрэгжүүлж байгаа хөтөлбөрийн талаар тодруулж, цаашид авах арга хэмжээ, гарц шийдлийн талаар санал солилцов.