Сонгинохайрхан дүүргийн спорт цогцолбор нээлтээ хийлээ
Нийслэлийн Засаг дарга бөгөөд Улаанбаатар хотын захирагч Х.Нямбаатарын санаачилгаар 2021 онд 3 дугаар хорооны нутаг дэвсгэрт 24 нэгж талбар, 2.1 га талбайг чөлөөлж дүүргийн спорт цогцолборын ажлыг эхлүүлжээ.
Тус цогцолборын гүйцэтгэгчээр “Аглуут” ХХК ажилласан бөгөөд 3х3 болон 5х5 сагсан бөмбөгийн талбай, газрын теннисний хоёр талбай, зургаан эгнээтэй гүйлтийн зам, хүүхдийн тоглоомын талбай, бялдаржуулах талбай, гэрэлтүүлэг, 100 автомашины зогсоолоос бүрдэж байна. Ийнхүү 4 жил орчим үргэлжилсэн бүтээн байгуулалт биеллээ олж дүүргийн спорт цогцолборын нээлтийн үйл ажиллагаа өчигдөр болжээ.
Нээлтийн үйл ажиллагааны үеэр хөлбөмбөгийн U9, U11 насны ангиллын тэмцээний ялагчид шалгарч цомын эздээр Deren FC-ийн тамирчид тодорчээ.
Нээлтийн арга хэмжээнд УИХ-ын гишүүн Н.Алтаншагай, П.Сайнзориг, НИТХ-ын төлөөлөгч Ц.Төрхүү, Э.Хулан, Ж.Сандагсүрэн, дүүргийн Засаг дарга Ц.Баттөр, ДИТХ-ын дарга Б.Золбоо ДИТХ-ын төлөөлөгчид, хороодын Засаг дарга нар оролцжээ.
Тус спорт цогцолбор нээгдсэнээр хүүхэд, залуучууд спортоор хичээллэхээс гадна иргэд бялдаржуулах талбай дээр чөлөөт цагаа зөв боловсон өнгөрүүлэх боломж бүрдэж байна.
Сурталчилгаа
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.