🔴LIVE: Сурах бичгийн багцын үнэ 94-129 мянган төгрөг байна

^{Сурах бичгийн хүртээмж, багшийн хомстол зэрэг цаг үеийн асуудлаар Боловсролын Ерөнхий газраас мэдээлэл өгөв.} 

^{Боловсролын Ерөнхий газрын дарга Т.Ням-Очир:}

^{-Сурах бичгийг бага ангийн сурагчид үнэ төлбөргүйгээр, дунд, ахлах ангийнхан сургуулийн номын сангаар дамжуулан төлбөртэй ашиглах бөгөөд эцэг эх, асран хамгаалагч хүссэн тохиолдолд худалдаж авч болно. 2025-2026 оны хичээлийн жилд ашиглах сурах бичгийг тендер зарлаж, хэвтэж, түгээсэн буюу бэлтгэл хөтөлбөрөөс бусад сурах бичгүүд хүргэгдсэн.} 

^{Нэг сурах бичгийг дөрвөн жил ашигладаг. Одоо 350 мянган багц сургуулиудад бэлэн байна. Сурах бичгийн захиалгыг цахимаар авна. Тухайн захиалгын дагуу анги удирдсан багш хүүхдэд сурах бичиг өгнө. Төлбөр тооцоо ч гар дээрээс биш, цахимаар, дараа төлбөрт болон дөрөв хувааж өгч болохоор зохицуулсан. Тодруулбал aplus.mn вэбсайтаар дамжуулж захиалгаа өгөх ба хөдөө орон нутагт ч хүргэлтээр ажлын 5 хоногт хүргэгдэнэ. Мөн ээж аав захиалга өгч болохоос гадна сургуулийн зүгээс ч шаардлагатай тоогоороо захиалж болно. Одоогоор сургуулийн номын сангаар дамжин төлбөртэй ашиглуулж буй түрээсийн сурах бичгийн үнэ БШУ-ны сайдын тушаалаар тогтоосноор 18-33 мянган төгрөг байна. Худалдах үнэ 38-48 мянган төгрөг байна. Сурах бичгийн багцын үнэ 94-129 мянган төгрөг, нэгж сурах бичгийн дундаж үнэ 7100 төгрөг бөгөөд бүтэн жил хувааж төлөх тохиолдолд нэгж сурах бичиг 2600 төгрөг байна гэв.}