🔴LIVE: МАН-ын Их хурлыг өрсөлдөөнтэй, ил тод зарчмаар хийхийг шаардлаа

Улс төр 2025/09/04 11:02 П.Оюу-Эрдэнэ

МАН-ын ээлжит XXXI Их хурал энэ онд болох юм. Тус намын Удирдах зөвлөл, Бага хурал нь ойрын хугацаанд хуралдаж, Их хурлынхаа тов, хэлэлцэх асуудлыг тогтооно гэсэн мэдээлэл хэвлэлүүд гарч буй.

Тэгвэл Б.Амарсанаа тэргүүтэй МАН-ын дэргэдэх "Ардын хүч" ТББ-ын хэсэг залуус өнөөдөр буюу 2025.09.04-ний пүрэв гарагт намынхаа төв байр Тусгаар тогтнолын ордонд очиж намын дарга Л.Оюун-Эрдэнэ, намын Ерөнхий нарийн бичгийн дарга Я.Содбаатар нарын удирдлагуудад шаардлага хүргүүлж буйгаа хэвлэлийнхэнд мэдээлэв.

Улс төрийн намын тухай хуулийн дагуу Монголын бүх нам энэ онд багтаан Их хурлаа хийж, бүтэц зохион байгуулалт, дүрмээ шинэчлэх учиртай ч МАН-ын Их хурал тодорхойгүй шалтгаанаар хойшилсоор байгааг "Ардын хүч" ТББ-ынхан шүүмжилж байлаа. Иймд МАН-ын удирдлагуудаас Их хурлаа цаг алдалгүй хуралдуулах, ингэхдээ ил тод, өрсөлдөөний зарчмаар нээлттэй зохион байгуулахыг шаардаж буйгаа "Ардын хүч" ТББ-ын тэргүүн Б.Амарсанаа онцлов.

Сэтгэгдэл (3)

Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.

Гэр 2 сар өмнө

МАН одоо сандарч эхэллээ, боож үхнээ эд нар одоо

Зочин.. 2 сар өмнө

Насжилт насны хязгаар хугацаа гээд утга төгөлдөр үг зөндөө....100гаруй жил насалсан нам одоо ч хөгширч зөнөг эхэлж барьцаалагдсан насаа насалж дээд цэгтээ хүрсэн одоо .....

Зочин 2 сар өмнө

Зөв. Намаа шинэчлэнэ гээд өмнөх удирдлага Намаа балласан