🔴LIVE: Ардчилсан намын даргад О.Цогтгэрэлийг нэр дэвшүүлж, намын их хурлаар батламжилна

Үндэсний бодлогын хорооны ээлжит бус хуралдаанаар хэлэлцэгдсэн Ардчилсан намын даргыг сонгох сонгуулийн санал хууралтаар УИХ дахь Ардчилсан намын бүлгийн дарга О.Цогтгэрэл сонгогдлоо. Үндэсний бодлогын хорооны ээлжит бус хуралдаанаас гарсан энэхүү шийдвэрийг Намын Их хурлын гишүүдэд танилцуулж, ёсчлох дэгтэй юм. 

УИХ-ын гишүүн Ардчилсан намын даргад нэр дэвшигч О.Цогтгэрэл:

-Надад ийм өндөр итгэл хүлээлгэсэн намын гишүүддээ баярлалаа. Үндэсний бодлогын хорооны ээлжит бус хуралдаанаас гарсан энэхүү шийдвэрийг Намын Их хурлын гишүүдэд танилцуулж, ёсчлох дэгтэй байгаа. Бид давхар дараалж ирэх сонгуулиудад ялах ёстой юм. Ингэх зорилго тавин ажиллаж байна. 

Намын олонх гишүүд хамтарсан засгийн газарт орох шийдвэр гаргасан тохиолдолд үүнийг дэмжинэ. Хувь гишүүнийхээ хувьд эсрэг байр суурьтай байгаагаа илэрхийлсээр ирсэн гэв. 

ТӨГССӨН СУРГУУЛЬ, МЭРГЭЖИЛ

1993 онд Увс аймгийн Тэс сумын 10 жилийн дунд сургууль

1998 онд ТИС-ийн Компьютерын техник менежментийн сургууль, эдийн засагч

2008 онд Удирдлагын академи, магистр

АЖИЛЛАСАН БАЙДАЛ

1998-2011 онд ТЭСО ХХК-ийн захирал

2012-2015 онд Монгол Улсын Ерөнхий сайдын зөвлөх

2015-2017 онд Увс аймгийн Ардчилсан Намын дарга

2015-2020 онд ТЭСО корпорацын ерөнхийлөгч

2020-2024 онд Монгол Улсын Их Хурлын гишүүн

2022 оноос Монгол Улсын Их Хурал дахь Ардчилсан Намын бүлгийн дарга

2024 оноос Монгол Улсын Их Хурлын гишүүнээр ажиллаж байна.