🔴LIVE: Н.Алтанхуяг: Ардчилсан намын шинэ дарга 2028 онд Ерөнхий сайд болох ёстой

Ардчилсан намын Үндэсний бодлогын хороо /ҮБХ/-ны ээлжит бус хуралдаан Төрийн ордонд үргэлжилж байна. Ардчилсан намын даргад нэрээ дэвшүүлсэн дөрвөн нэр дэвшигч мөрийн хөтөлбөрөө ҮБХ-ны гишүүдэд танилцуулж,  гишүүдийнхээ асуултад хариулт өгч дуусжээ. Улмаар ҮБХ-ны гишүүдийн санал хураалт эхэлжээ. 

УИХ-ын гишүүн Н.Алтанхуяг:

-Манай намд шинэ салхи салхилах нь гэж горьдож байна. Мартагдсан байсан намын дарга нарын дундах мэтгэлцээн боллоо. Баяртай байна. Манайхан мэтгэлцээнийг хараад нэр дэвшигчдийг юу хэлэв ямар бодлого баримтлах вэ гэдгийг харсан байх. Намын дарга надад таалагдах эсэх нь хамаагүй ард түмний төлөө юм хийдэг, ардчиллын үнэт зүйл дээрээ зогсдог, шударга хүн байгаасай. Ардчилсан намын шинэ дарга 2028 онд Ерөнхий сайд болох ёстой.

Ярьдаг улс төрч 1000 болсон. Харин Монголчуудын амьдралыг дээшлүүлэх ажлыг хийж чаддаг хүн намын дарга болох ёстой. Хүчтэй сөрөг хүчин гэдэг чинь шийдэлд оролцдог. Шийдэлд оролцох арга замаа мэддэг байх ёстой юм. Бид 42 суудалтай байж унхиагүй байна. Харилцан хүчтэй байх хэрэгтэй. Бие даасан бодлогоо явуулдаг байх хэрэгтэй, айлын хатавчинд байх хэрэггүй. Гишүүд, иргэдтэйгээ ойрхон хамтарч ажиллах нь зүйтэй гэв.