С.Баярцогт: УИХ-д сууж байгаа гурван хүний нэг нь Ардчилсан намын дарга болоосой
"Миний хувьд 42 суудалтай нам учраас парламентын гишүүн хүн намын дарга байх ёстой гэж боддог. Одоо УИХ-д сууж байгаа гурван хүний нэг нь намын дарга болоосой гэж чин сэтгэлээсээ хүсэж байна" гэж Ардчилсан намын ҮБХ-ны гишүүн С.Баярцогт хэллээ.
Ардчилсан намын ҮБХ-ны гишүүн С.Баярцогт:
-Ардчилсан намын даргад нэр дэвшсэн дөрвөн нэр дэвшигчийг бүгдийг нь маш сайн мэднэ. Төрийн ажлын туршлагатай хүмүүс байгаа. Бүгд анхан шатанд ажиллаж байсан. Улсын их хуралд нэр дэвшиж байсан хүмүүс. Зарим нь гурав дараалж ялсан. Нэр хүндтэй улс төрчид байгаа. Тийм учраас Ардчилсан намыг ялалтад хүргэн ийм бололцоотой дөрвөн нэр дэвшигч гэж харж байна. Миний хувьд 42 суудалтай нам учраас парламентын гишүүн хүн намын дарга байх ёстой гэж боддог. Одоо УИХ-д сууж байгаа гурван хүний нэг нь дарга болоосой гэж чин сэтгэлээсээ хүсэж байна. Бидэнд алдаж оносон зүйлс байгаа. Хамгийн гол нь эв нэгдэл, дараа нь үзэл баримтлал дээрээ суурилсан манлайллын асуудал байгаа. Нийт ард түмний итгэлийг авна гэдэг нь үзэл баримтлалаараа манлайлал үзүүлнэ гэсэн үг. Ийм нэр дэвшигч сонгогдоно гэдэгт итгэлтэй байна гэв.
Сэтгэгдэл (1)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.