Налайх дүүргийн багш нарын бага хуралд 600 гаруй багш оролцжээ
Шадар сайд С.Амарсайхан Налайх дүүргийн багш нарын бага хуралд оролцож, Монгол Улсын Гавьяат багш Д.Мөнхбайна, Монгол Улсын Гавьяат багш Ж.Батцэцэг нарт хүндэтгэл үзүүлжээ.
Шадар сайд С.Амарсайхан:
-Налайх дүүргийн боловсролын салбар өдрөөс өдөрт өргөжин тэлж, хүүхэд багачуудын сурлагын чадамж жил бүр нэмэгдэж байна.
Боловсролын салбарын хүндийг үүрч, Монгол Улсын ирээдүйд эрдэм мэдлэгтэй, ёс суртахуунтай, хүмүүжил төгс, хөдөлмөр зүтгэлээр манлайлах боловсон хүчин бэлтгэж буй багш нарын нөр их хөдөлмөр, хичээл зүтгэлээр бахархаад ханамгүй юм.
2025-2026 оны хичээлийн жилд Нийслэлийн Налайх, Багануур, Багахангай дүүргийн ЕБС-д 1800 гаруй сурагч, цэцэрлэгт 5500 гаруй хүүхэд хамрагдаж, нийт 1192 багш, 772 үйлчилгээний ажилтан ажиллахаар хичээлийн шинэ жилтэйгээ золгож байна.
Монгол Улсын Засгийн газраас 2026 оныг “Боловсролыг дэмжих жил” болгон зарлаж, тэгш, хүртээмжтэй, чанартай боловсролын нэгдсэн тогтолцоог бүрдүүлэн, олон улсын стандарт нэвтрүүлэх, дижитал шилжилт хийх, дэвшилтэт технологи ашиглах замаар бүтээмж, үр ашгийг нэмэгдүүлэх зорилт тавин ажиллаж байна. Боловсролын салбарын хөгжил дэвшилд багш нараас гадна эцэг эх, иргэн бүрийн оролцоо чухал гэдгийг онцолъё.
Эрдэм оюуны эзэд, багш оюутнууд та бүхний үйлс өөдөө дэлгэрч, түүний үрээр улс орон минь хөгжин цэцэглэх болтугай гэв.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.