Авто замын түгжрэл, сүлжээ болон гамшгийн эрсдэлийг бууруулах талаар санал солилцжээ
НИТХ-ын дарга А.Баяр БНСУ-ын Пучон хотын дарга Чо Ён-Ик тэргүүтэй зочид төлөөлөгчдийг хүлээн авч уулзжээ.
Уулзалтын эхэнд НИТХ-ын дарга А.Баяр Нийслэлийн Иргэдийн Төлөөлөгчийн Хурал Бүгд Найрамдах Солонгос Улсын хотуудын ИТХ-тай нягт хамтран ажиллаж, олон талаар харилцаагаа хөгжүүлж байгааг тэмдэглэлээ. Үргэжлүүлэн Улаанбаатар хотод тулгамдаад буй авто замын түгжрэлийн өнөөгийн нөхцөл байдал болон замын сүлжээ, төлөвлөлт, үер ус, гамшиг зэргийн талаар мэдээлэл өгч үүнд дээр туршлага судалж, хамтран ажиллах хүсэлтэй байгаагаа илэрхийлэв.
БНСУ-ын Пучон хотын дарга Чо Ён-Ик IT болон AI технологийг Солонгос улс авто замын түгжрэл, осол аваарыг зохицуулахад ашиглаж байна. Мөн гамшгийн эрсдэлийг бууруулах, үйлдвэрийн ослоос сэргийлэх нэгдсэн тогтолцоонд шилжиж, тогтмолжуулж, өдөр тутамд хяналт, сэргийлэх дадлыг хэвшүүлсэн учир энэ төрлийн осол, аваар багасаж байгаа талаар дурдлаа. Цаашид энэ чиглэлд хамтран ажиллах боломжтой гэлээ.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.