ОХУ-ын авто бензиний экспортод түр хориг тавих шийдвэр манай улсад үйлчлэхгүй
ОХУ-ын Засгийн газраас авто бензиний экспортод түр хориг тавих шийдвэр гаргах болсноо мэдэгдсэн. Тэгвэл тус асуудалтай холбогдуулан АҮЭБЯ-наас дараах мэдээллийг гаргажээ.
Тодруубал, Уг хориг нь зөвхөн автобензинд хамаарах бөгөөд ОХУ-тай Засгийн газар хоорондын хэлэлцээртэй улс болон Евразийн эдийн засгийн холбооны гишүүн орнуудад тус хориг үйлчлэхгүйгээр шийдэгдсэн байна.
Монгол Улсын Засгийн газар, ОХУ-ын Засгийн газар хооронд 2024 оны 09 дүгээр сард байгуулсан хэлэлцээрийн дагуу манай улсад шатахуун нийлүүлэх үйл ажиллагаа тогтмол, тасралтгүй үргэлжлэх нөхцөл бүрдсэн юм.
Мөн манай улсын автобензиний хэрэглээний 75 орчим хувийг хангадаг “Роснефть” компанитай импортлогчид урт хугацааны гэрээтэй ажиллаж байна. 2025 оны 07 дугаар сарын 29-ний байдлаар улсын хэмжээнд бензин, шатахууны нөөц болон импортын үйл ажиллагаа хэвийн үргэлжилж байна.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.