Үндэсний их баяр наадмын өдрүүдэд цагдаа, дотоодын цэргийн алба хаагчид өндөржүүлсэн бэлэн байдалд үүрэг гүйцэтгэж байна. 

7-р сарын 10-ны өдөр Цагдаагийн байгууллагын 4700 орчим алба хаагч үүрэг гүйцэтгэжээ. Мөн хугацаанд гэмт хэргийн шинжтэй 89, зөрчлийн шинжтэй 727, зам тээврийн ослын 298 дуудлага зэрэг дуудлага, мэдээлэл бүртгэгдсэнээс 2032 дуудлага мэдээллийг хүлээн авч шийдвэрлэжээ.

Баяр наадмын өдрүүдэд цагдаагийн байгууллагад дараах дуудлага мэдээлэл бүртгэгджээ. Тухайлбал, Хэнтий аймгийн нутаг дэвсгэрт хүн нас барсан гэх дуудлага мэдээлэл бүртгэгджээ. Шалгалтын ажиллагаа явуулахад баяр наадам тэмдэглэж байсан гэр бүлийн хамаарал бүхий иргэд ахуйн хүрээнд архидан согтуурсан үедээ нэгнийгээ амийг хохироосон байж болзошгүй нөхцөл тогтоогдсон байна. Уг хэргийг үргэлжлүүлэн шалгаж байна.

 

---