Монгол Улсын Ерөнхийлөгч, Зэвсэгт хүчний ерөнхий командлагч У.Хүрэлсүх зарлиг гаргаж цэргийн дээд цол олгохоор болжээ.

ЗХЖШ-ын дарга, хошууч генерал С.Ганбямбад дэслэгч генерал, Монгол Улсын Ерөнхийлөгчийн Батлан хамгаалах, цэргийн бодлогын зөвлөх, бригадын генерал Д.Баасандамба, БХЯ-ны Төрийн нарийн бичгийн дарга, бригадын генерал Д.Ганхуяг нарт хошууч генерал цол олгож байна.

ЦЕГ-ын дэд бөгөөд Стратеги, бодлого, инновац, хөгжлийн албаны дарга, цагдаагийн хурандаа О.Ганбат, ШШГЕГ-ын дарга, хурандаа Б.Нандинболор, ЗХЖШ-ын Кибер аюулгүй байдлын цэргийн командлагч, хурандаа Ж.Молорболд, ЗХЖШ-ын Материал техникийн газрын дарга, хурандаа Б.Түвшинтөр, ОБЕГ-ын тэргүүн дэд дарга, онцгой байдлын хурандаа Ц.Ганзориг нарт бригадын генерал цол олгож байна. 

---