Монгол Улсын Соёлын гавьяат зүтгэлтэн цол тэмдгээр шагнагдсан МҮОНТВ-ийн хөтлөгч Г.Чоглоонамжил сэтгэгдлээ хуваалцлаа.

МУСГЗ Г.Чоглоонамжил:

-Монголын телевизийн салбарт хамтдаа мөр зэрэгцэн зүтгэсэн МҮОНРТ-ийн нийт хамт олондоо маш их баярлалаа. Надаар дамжуулан та бүхнийг шагнаж байгаа төрийн хайр шиг гэж ойлгож байна. Зургаан сайхан хүүхэд төрүүлж, өсгөсөн, тэнгэрийн оронд байгаа хайрт ээждээ баярлалаа. Д.Гомбосүрэн гээд аав минь байгаа. Хайрт аавыгаа баярлуулсандаа туйлын их баяртай байна.

Нэвтрүүлэгчийн ажил мэргэжлийг эх хэлнийхээ манаанд нүд цавчилгүй зогсдог алба гэж ойлгодог. Эх хэлээ хайрлахыг үзэгч түмэндээ уриалж хэлэхийг хүсэж байна. Биднийг хурцалж байдаг монголын ард түмэндээ, үзэгчдэдээ баярлалаа гэв. 

---