Ерөнхий сайд Г.Занданшатар авлига, хүнд суртлаас ангид төрийн албыг бэхжүүлэх зорилгоор албан тушаалтнуудад хугацаатай даалгавар өгчээ.

ЗГХЭГ-ыг дэд дарга Д.Мөнх-Эрдэнэ:

-Ерөнхий сайд өнөөдрийн хурлаар Засгийн газраас нэн түрүүнд шийдвэрлэх шаардлагатай асуудлуудыг Засгийн газрын гишүүд, Нийслэлийн засаг даргад хугацаатай албан даалгавар өглөө. Энэ нь нийт 164 асуудлыг хамарч байгаа.

Мөн, нэн шаардлагатай боловсруулж намрын чуулганаар өргөн мэдүүлэх 31 хуулийн төслийг холбогдох сайд нарт үүрэг болголоо. Албан даалгавар нь бизнест ээлтэй, татварын таатай орчныг бүрдүүлж, тэр дундаа ЖДҮ эрхэлж байгаа иргэдийн ачааг хөнгөвчлөх, аудитын хорооноос зөрчилтэй нь тогтоогдсон байгууллагуудад хариуцлага тооцох зэрэг багтсан. 

Засгийн газар ойрын хугацаанд ямар бодлого, шийдвэр хэрэгжүүлэх талаар иргэдээс санал авсан. 30 мянган иргэн санал өгсөн байна. Ерөнхий сайдын зүгээс иргэдээс ирж байгаа санал гомдлыг сонсоод өнгөрөх биш, ирүүлсэн саналын дагуу ямар арга хэмжээ авснаа буцааж мэдэгддэг байхыг сануулсан гэв. 

---