Машин хулгайлан, бусдыг хутгалсан 13-19 насны этгээдүүдийг Налайх дүүргийн 6-р хорооны нутаг дэвсгэрээс дайчлан баривчилжээ. 

Тодруулбал, Улаанбаатар хотод оршин суух хаягтай, 15 настай У, 16 настай Г, 19 настай Б, 13 настай А, 14 настай М нар нь Чингэлтэй, Сонгинохайрхан дүүргийн нутаг дэвсгэрээс "Toyota Harier", "Toyota prius 11" маркийн тээврийн хэрэгслүүдийг хулгайлан, Сэлэнгэ аймгийн нутагт орхижээ. Улмаар энэ сарын 03-ны өдөр Сэлэнгэ аймгийн Баянгол сумын нутгаас "Toyota Harier" маркийн тээврийн хэрэгслийг хулгайлж унаж явахдаа бусадтай маргалдаж хутгалж, гэмтээн зугтаасан байна.

Уг этгээдүүд нь СХД-н 21-р хорооны нутаг дэвсгэрээс Toyota prius 41, Subaru Forester маркийн тээврийн хэрэгслүүдийг хулгайлан зугтаасныг шуурхай эрэн сурвалжилж, Налайх дүүргийн 6-р хорооны нутаг дэвсгэрээс дайчлан баривчилжээ. 

---