?Ж.Алдаржавхлан: Гэр бүлийн хүчирхийлэлд өртөөд салах өргөдөл өгсөн бол шууд салгах ёстой
УИХ-ын гишүүн Ж.Алдаржавхлан Гэр бүлийн тухай хуульд нэмэлт өөрчлөлт оруулах шаардлагатай хэмээн дараах байр суурийг илэрхийллээ.
УИХ-ын гишүүн Ж.Алдаржавхлан:
-Нийгэмд гарч буй гэр бүлийн аймшигт хэргээс улбаалж гэр бүлийн асуудлыг шинэ түвшинд авч үзэх ёстой болсон байна. Гэр бүлийн тухай хуульд өөрчлөлт оруулж, хэрвээ хүн ямар нэгэн хүчирхийлэлд өртсөн нь бүх байдлаар нотлогдвол шууд салах ёстой гэж үзэж байна.
Тэдгээр хүмүүст хугацаа өгч, дахин уулзуулж, хүний амь нас хохироох үйлдэл гаргах шаардлагагүй. Бага зэргийн маргаан үүсэхэд эвлэрэх хугацаа өгч болно. Хэдэн метрийн зайнд ойртож болохгүй гэдэг зүйлийг ч хуульчлах хэрэгтэй. Эвлэрэх хугацаа өгснөөс болж дахин дахин уулзах гэж очиж, амь насанд нь хүрэх тохиолдол гарч байна. Тиймээс гэр бүлийн тухай хуульд нэмэлт өөрчлөлт оруулах асуудлаар санаачилга гаргаж ажиллана гэлээ.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.