Нийслэлийн ерөнхий архитектор Ч.Төгсдэлгэрийг барилгын зөвшөөрөл авах, олгох үед гарсан архитектор даалгаврын асуудлаар шалгаж эхэлсэн гэх мэдээлэл байна.

Хэрэв дээрх шалгагдаж буй асуудлаар гэм буруутай нь хууль, шүүхийн байгууллагаар тогтоогдвол Эрүүгийн хуулийн 22.1-т заасны дагуу "Нийтийн албан тушаалтан албан үүрэг, бүрэн эрх, албан тушаалын байдлаа урвуулан ашиглаж, эсхүл зориуд хэрэгжүүлэхгүй байж өөртөө, эсхүл бусдад давуу байдал бий болгосон бол нийтийн албанд ажиллах эрхийг хоёр жилээс таван жил хүртэл хугацаагаар хасаж нэг жилээс таван жил хүртэл хугацаагаар зорчих эрхийг хязгаарлах, эсхүл нэг жилээс таван жил хүртэл хугацаагаар хорих ял шийтгэнэ" гэж хуульчилсан байдаг.

---