Цаг уурын байгууллагаас өгсөн мэдээллээр 2025 оны 6 дугаар сарын 23-ны өдрийн 16:20 цагаас 19:00 цаг хүртэл Улаанбаатар хотод 53-60мм хур тунадас буюу түр зуурын усархаг аадар бороо орох урьдчилсан төлөвтэй байна. Өөрөөр хэлбэл, усархаг бороо 2 цаг орчим үргэлжилнэ.

Нийслэлийн 9 дүүргийн Онцгой байдлын хэлтэс, нийслэлийн Аврах ангиуд үер, усны дуудлагаар ажиллах зориулалт бүхий мотопомп /дугуйт/ 12, жижиг помп 36, бохир ус зайлуулах 50 насос зэрэг нийт 98 тоног төхөөрөмжтэй бэлэн байдалд байна.

16:30 цагийн байдлаар нийслэлийн Шуурхай штабт үер усны холбогдолтой дуудлага мэдээлэл бүртгэгдээгүй гэжээ. 

---