"Б.Түвшин нарын өргөн барьсан Нийгмийн даатгалын хуулийн төслийг зарчмын хувьд дэмжиж байгаа ч, Засгийн газраас оруулж ирэх хуультай нэгтгэж хэлэлцвэл зүгээр" гэж УИХ-ын гишүүн О.Саранчулуун хэлж байна.

УИХ-ын гишүүн О.Саранчулуун:

-Нэр бүхий гишүүдийн өргөн барьсан хууль нь харилцааг нь илүү тодорхойлж байгаа. Хөдөлмөрийн харилцаа юу? Иргэний харилцаа юу гэдгийг нь. Хөдөлмөрийн харилцаагаар үүссэн бол тэр мөнгөнөөс авч байгаа шимтгэлийн ярина. Харин иргэний харилцаа гэвэл өөр байхаар байгаа. Тус хууль батлагдсан тохиолдолд ажил олгогчийн ачаалал буурна. Нөгөө талдаа нууц, далд хөдөлмөр эрхлэлтийн асуудлыг шийднэ гэдэг утгаараа дэмжиж байна.

Нөгөө талдаа хөгжлийн бэрхшээлтэй иргэн 16-наас өмнө хөгжлийн бэрхшээлтэй болоод 3-5 жил нийгмийн даатгалын шимтгэл төлөөгүй тохиолдолд тэтгэмж, хөнгөлөлт, тэтгэлэг авах боломжгүй. Хөгжлийн бэрхшээлтэй иргэнд ажилгүйдлийн тэтгэмж олдоггүй. Учир нь группийн мөнгө халамжийн сангаас авч байгаа учраас давхар мөнгө олгохгүй гэдэг зүйл ярьдаг. Энэ нь нэг бол ажил хий, нэг бол ажилгүй бай гэдэг сонголтыг өгч байна. Бие даасан байдлыг нь дэмжихгүй байгаа юм шиг хуулийн давхардал байгаа.

Түүнчлэн хөгжлийн бэрхшээлтэй хүн тасралтгүй 15-20 ажиллах боломжтой юу. Жирийн иргэдэд ч энэ хэцүү. Тэтгэвэрт гарах байдлыг хөгжлийн бэрхшээлтэй иргэнд ялгаатай, эвсэл сонголтыг нь бий болгож өгмөөр байна. Олон хуулийг нэгтгэж уялдаа холбоог нь хангамаар байна. Б.Түвшин нарын өргөн барьсан Нийгмийн даатгалын хуулийн төслийг зарчмын хувьд дэмжиж байгаа ч, Засгийн газраас оруулж ирэх хуультай нэгтгэж хэлэлцвэл зүгээр. Багц байдлаар яригдах шаардлагатай гэв. 

---