Живж байсан 9 настай хүүг 36 настай эрэгтэй аврах гэж ус руу ороод өөрөө энджээ. 

Тодруулбал, Сэлэнгэ аймгийн Зүүнбүрэн сумын 2 дугаар багийн “Шинэ гүүр” гэдэг газар "Сэлэнгэ мөрөнд живж байсан хүүхдийг аварсан, эрэгтэй хүн живж" гэх дуудлага Онцгой байдлын газарт зургаадугаар сарын 16-ны өдрийн 19:05 цагт иржээ.

Дуудлагын дагуу тус аймгийн Онцгой байдлын газрын Эрэн хайх, аврах ангийн алба хаагчдыг очиход иргэн 36 настай, эрэгтэй, Сэлэнгэ аймгийн харьяат иргэн  9 настай хүүг Сэлэнгэ мөрөнд живж байхад нь аврахаар ороод өөрөө живсэн харамсалтай хэрэг гарсан байжээ. Аврагчид уснаас эрэн хайх ажиллагааг зохион байгуулан ажиллаж 3 метрийн гүнээс цогцсыг 20:46 цагт олж, гаргажээ.

Иймд урин дулааны улирал эхэлж, иргэд гол усанд ихээр ордог тус анхаарал болгоомжтой байхыг сэрэмжлүүлж байна. 

---