Налайх дүүргийн 1 дүгээр хорооны “Хөх давааны- Энгэр” гэдэг газар хоёр хүн Туул гол явган гаталж яваад нэг хүн нь живсэн гэх дуудлагыг онцгой байдлын алба зургаадугаар сарын 15-ны өдрийн 16:42 цагт хүлээн авчээ. 

Дуудлагын дагуу тус дүүргийн Онцгой байдлын хэлтсийн аврах бүлгийн алба хаагчдыг очиход иргэн У /35 настай, эрэгтэй/ нь Туул голын усанд живсэн байсныг 3 метрийн гүнд 2 удаа шумбалт хийж 17:05 цагт цогцсыг гаргажээ. Ингээд Налайх дүүргийн Цагдаагийн хэлтсийн жижүүрийн бүрэлдэхүүнд шилжүүлэн өгсөн байна.

---