УИХ-ын чуулганы өнөөдрийн хуралдаанаар Ерөнхий сайдаар Г.Занданшатарыг томилох эсэх асуудлыг хэлэлцэж байна.

УИХ-ын гишүүн О.Номинчимэг:

-Ард иргэд товчхондоо гурван зүйл л хүсэж байгаа. Эдийн засгийн хувьд элбэг, утаа түгжрэлгүй эрүүл аюулгүй орчин, Эрүүл мэндийн тусламж үйлчилгээ хангалттай авдаг шударга ёс үйлчилдэг нийгэм л хүсэж байгаа. Төсвийн орлого 14.7 хувиар буурсан энэ цагт тодотгол хийж, зардлаа танах шаардлагатай. Шинэ Засгийн газар иргэдийн амьжиргаанд дөхөм болохуйц татварын бодлогыг нэн тэргүүнд оруулж ирэх ёстой гэв.

---