Хасын хүлгүүд баг өнөөдөр Филиппиний лигийн аваргатай тулна
Сагсанбөмбөгийн Ази тивийн аваргуудын лигийн шөвгийн наймын тоглолт эхлэхэд бэлэн болоод байна.
Шөвгийн найман багийн тоглолт нь хасагдах зарчмаар явагдана. Хасын хүлгүүд багийн хувьд хэсгийн хамгийн сүүлийн тоглолтдоо Ираны хүчирхэг Табиат багт 78:76 буюу ердөө нэг бөмбөгөөр хожигдсон ч хэсгээсээ хоёроор хасагдах шатанд шалгарсан юм. Аль хэдийнээ тоглолт бүрээрээ түүхийг бичиж буй Хасын хүлгүүд багийн хувьд маш сайн тоглолтуудыг үзүүлсээр энд хүрсэн болохыг сагсанбөмбөг сонирхогчид маань мэдэж байгаа нь лавтай.
Хасагдах шатанд Хасын хүлгүүд баг өнөөдөр /6.11/ Филиппиний Болтс багтай Улаанбаатарын цагаар 19:00 цагт тоглох хуваарьтай байна. Филиппиний багийн хувьд 2018 онд Аваргуудын лигийн хагас шигшээд шалгарч байсан түүхтэй баг юм.
Хасийн хүлгүүд багийн хэсэгт Ираны Табиат болон Японы Уцуномияа Брекс багууд орсон байгааг та анзаарч байгаа биз ээ. Хэрэв манай баг Болтсыг буулган авч чадвал Ираны Табиат багтай хагас шигшээд дахин тоглох магадлал өндөр.
Хасын хүлгүүд багтаа амжилтын дээдийг хүсье
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.