Өнөөдөр манай охид Индонезийн багтай тоглоно
Азийн волейболын холбооноос зохион байгуулж буй "AVC Women's Volleyball Nations Cup" буюу волейболын эмэгтэйчүүдийн Азийн үндэстнүүдийн цомын тэмцээний хэсгийн тоглолтууд явагдаж байна.
Вьетнам улсын Ханой хотноо зохион байгуулагдаж буй тус тэмцээнд 11 баг хоёр хэсэгт хуваагдан өрсөлдөж байна. Монгол улсын шигшээ багийн хувьд В хэсэгт Казахстан, Филиппин, Иран, Индонези, Шинэ Зеланд зэрэг улсын шигшээ багуудтай өрсөлдөж өнөөдрийн байдлаар гурав дахь тоглолтоо хийгээд байна. В хэсгийг Казахстан болон Ираны шигшээ багууд тус бүр гурван хожилтойгоор тэргүүлж байгаа бол манай улс баг хараахан хожил байгуулж чадаагүй явна.
Өнөөдөр /6.11/ манай баг Индонез улсын багтай Улаанбаатарын цагаар 18:30 цагт тоглох хуваарьтай байна.
Харин А хэсгийг Вьетнам болон Тайванийн багууд тус бүр хоёр хожилтойгоор тэргүүлж байна.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.