?LIVE: Т.Даваадалай: Авто замаа засахгүй бол иргэд татвараас ч их зардал гаргах эрсдэлтэй

Авто тээврийн хэрэгслийн албан татварын нэмэгдлийг цуцлах нийтийн өргөдлийг Төсвийн байнгын хорооны хуралдаанаар хэлэлцсэн юм. Тус өргөдлийн асуудлаар Нийслэлийн засаг даргын орлогч Т.Даваадалайгаас зарим зүйлсийг тодрууллаа. 

Нийслэлийн засаг даргын орлогч Т.Даваадалай:

-Татвар багаслаа гэдэг нь иргэдэд алдагдалтай. Үүнийг өмнө ч би ярьж байсан. Нийслэлийн автозамын сүлжээ 1230 км байгаа. Автозам яг шүд шиг. Өвдөж эхэлсэн цагаас нь засвал өвдөлт бага. Яг үүнтэй адил 1230 замынхаа засварыг цаг хугацаанд нь сайн хийвэл замын эвдрэл бага гарахаас гадна зам сайн байж гэмээ аваар осол, машины эвдрэл гэмтэлд гардаг зардал багасна. 2023 онд 500 гаруй тэрбум төгрөгийг автомашины тэнхлэг тохиргоонд зарцуулсан статистик мэдээлэл байгаа.
Улаанбаатар хотын нийт автозамын 82 хувь нь зайлшгүй засвар үйлчилгээ хийлгэх шаардлагатай байна. Одоо үүнийг засварлахгүй бол 95 хувьд хүрнэ гэдэг тооцооллыг гаргасан гэв.