Баянзүрх дүүргийн 41-р хороонд барилгын хашаанд бодис шатаж байна гэсэн дуудлага өнөөдөр 14:29 цагт Онцгой байдлын албанд иржээ.

Дуудлагын дагуу дүүргийн Онцгой байдлын хэлтсийн Гал түймэр унтраах, аврах 63 дугаар ангийн бүрэлдэхүүнийг очиход хоёр давхар хоёр барилгыг холбосон өргөтгөлийн хэсэг, дотор нь байсан 500л депо хлорид бодис шатаж байсан.

Нэмэлтээр Гал түймэр унтраах, аврах 10 дугаар анги, Гал түймэр унтраах, аврах 63 дугаар ангийн алба хаагчид шуурхай ажиллаж галын тархалтыг 15:27 цагт зогсоон, бүрэн унтраахаар ажиллаж байна.

---