Дараагийн Ерөнхий сайд хэн байх вэ гэдэг таавар улс төрийн хүрээнд өрнөж байна. Олон нэрсийн дотор Гадаад харилцааны сайд Б.Батцэцэгийн нэр ч байна. Түүнээс энэ талаар тодрууллаа.  

УИХ-ын гишүүн, Гадаад харилцааны сайд Б.Батцэцэг:

-Дараагийн Засгийн газрын тухай бодож амжаагүй байна. Шинэ засгийн газар байгуулагдтал бид нар ажлаа хийх ёстой. Өнөөдөр ердийн журмаараа засгийн газрын хуралдаан боллоо. Гадаад харилцаа маань тасралтгүй, өөрчлөлтгүй явж байна. Надад ерөнхий сайд болох санаа байхгүй. Түүнчлэн энэ талаар бодож ч байгаагүй. Дараагийн Засгийн газарт орж ажиллах санал тавивал яахаа хэлж мэдэхгүй байна. Монгол Улсын гадаад харилцааны сэргэлттэй он жилүүд өнгөрлөө. Надад итгэл хүлээлгэсэн ерөнхий сайддаа талархаж байгаа гэв. 

---