АТГ: УИХ-ын гишүүн Ж.Баярмаа нарт холбогдуулан гаргасан гомдолд хэрэг бүртгэлтийн хэрэг нээх үндэслэлгүй гэж үзсэн
АТГ-аас УИХ-ын гишүүн Ж.Баярмааг дуудаж хөрөнгө, орлогоо хоёр хоногийн дотор нотлохыг шаардсан гэх мэдээллийг өнөөдөр өгсөн. Тэгвэл АТГ-аас УИХ-ын гишүүн Ж.Баярмаа нарт холбогдуулан гаргасан “Үндэслэлгүй хөрөнгөжсөн“ гэх гомдолд хэрэг бүртгэлтийн хэрэг нээх үндэслэлгүй гэж үзэн, хаах саналыг прокурорт өчигдөр хүргүүлсэн гэж мэдээллээ.
Тодруулбал, "Хохирогчдын эрх ашгийг хамгаалах шударга төр" ТББ-аас УИХ-ын гишүүн Ж.Баярмаа, төрсөн ах Ж.Мэндбаяр болон нөхөр Я.Гансүх нарт холбогдуулан гаргасан үндэслэлгүй хөрөнгөжсөн гэх гомдлыг 2025 оны 5 дугаар сарын 13-ны өдөр хүлээн авч шалгасан.
Уг гомдлын дагуу хэрэг бүртгэлтийн хэрэг нээх үндэслэлгүй гэж үзэн хаах саналыг АТГ-аас Прокурорын байгууллагад 2025 оны 5 дугаар сарын 29-ний өдөр хүргүүлсэн" гэлээ.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.