Нийтэлсэн:   Admin

1 хоногийн өмнө

Дархлаажуулалт ба түүний ач холбогдлын талаар СХД-ийн 17-р хорооны ӨЭМТ-ийн вакцинатор сувилагч М.Пүрэвсүрэн дараах мэдээллийг хүргэж байна.

Дархлаажуулалт гэдэг нь халдварт өвчнөөс сэргийлэх, түүний тархалтыг хязгаарлах, өвчнийг устгах зорилгоор дархлаажуулах бэлдмэл хэрэглэх арга хэмжээний тогтолцоог халдварт өвчний эсрэг дархлаажуулалт гэнэ.

Та вакцин тариулснаар :

• Халдварт өвчнөөс өөрийгөө хамгаалах, урьдчилан сэргийлэх
• Халдварт өвчний тархалтыг хязгаарлах
• Товлолт хугацаанд вакцин хийлгэснээр дархлаа тогтоц сайжрах
• Халдварт өртөх эрсдэлийг бууруулах
• Халдварт өвчнийг устгах зэрэг хүний эрүүл мэнд төдийгүй нийгэм эдийн засагт өндөр ач холбогдолтой юм.

Өнөөдрийн байдлаар Монгол Улс нь доорх вакцинуудыг дархлаажуулалтад нэвтрүүлээд байна.

• 1923 он Цагаан цэцэг өвчний эсрэг
• 1946 он Сүрьеэгийн эсрэг вакцин
• 1965 он Халдварт саа
• 1967 он Сахуу хөхүүл ханиад татран
• 1973 он Улаанбурхан
• 1991 он Гепатит в вирусийн эсрэг
• 2005 он Тавт-сахуу хөхүүл ханиад татран гепатит в хемоцилюс инфлюенза в
• 2009 он Угу-улаанбурхан гахайн хавдар улаануудын эсрэг
• 2025он Гепатит а эсрэг
• 2019 он Пневмококк эсрэг
• 2024 он Хүний папиллома вирусийн эсрэг вакцинуудыг тус тус нэвтрүүлсэн. 

Улаан бурхан өвчний тархалт ихсэж байгаа тул эцэг, эх, асран хамгаалагч та бүхэн 9 сараас 2 настай хүүхдээ улаанбурхан, гахайн хавдар, улаануудын эсрэг вакцинд хамрагдсан эсэхийг нягтлаарай. Хэрэв хамрагдаагүй тохиолдолд өрхийн эрүүл мэндийн төвдөө хандан нөхөн дархлаажуулалт хийлгэх боломжтой.

Сурталчилгаа