Фиба 3х3 сагсанбөмбөгийн эмэгтэйчүүдийн Марселл 2025 цувралд Улаанбаатар Амазонс баг гуравдугаар байрт шалгарлаа.
Франц улсад зохион байгуулагдсан "Марселл 2025" тэмцээнд манай улсаас хоёр багаа сойсон ба монгол үндэсний шигшээ баг болон Улаанбаатар Амазонс багууд тэмцээний А хэсэгт хуваарилагдсан юм. Б.Энхтуул, Э.Нарангоо, М.Цэрэнлхам, Ц.Болорцэцэг нараар багаа бүрдүүлсэн шигшээ багийн хувьд Филиппин болон Улаанбаатар Амазонс багуудад хожигдон хэсгийн шатнаас тэмцээнээ өндөрлүүлсэн юм.
Харин Б.Ариунцэцэг, Б.Болор-Эрдэнэ, Н.Нандинхүсэл, О.Хулан нараар багаа бүрдүүлсэн Улаанбаатар Амазонс багийн хувьд Филиппиний багийг 19:16, Монголын шигшээ багаа 16:8 харьцаагаар тус тус хожин хасагдах шатанд шалгарсан юм.
Тэд хасагдах шатанд Унгарын Гёор багийг 13:10 харьцаагаар хожин хагас шигшээд шалгарсан юм. Хагас шигшээд энэ удаагийн "Марселл 2025" тэмцээний аварга Испанийн багт хожигдон гуравдугаар байрт шалгарлаа.
