"Ерөнхий сайд хүүтэйгээ холбоотой асуудалд маш хурдан хариу тайлбар өгөх ёстой байсан. Хамтарсан засгийн газрын тухайд МАН-ын бага хурал ямар шийдвэр гаргахаас бүх зүйл шалтгаалахаар болж байх шиг байна" гэж УИХ-ын гишүүн Б.Мөнхсоёл хэллээ. 

УИХ-ын гишүүн Б.Мөнхсоёл:

-МАН-аас олон удаа сонгогдсон гишүүд зарим зүйл дээр Хамтарсан засгийн газрыг дэмжиж байна. Зарим асуудалд дэмжихгүй байна. УИХ-ын гишүүдэд улс төрийн янз бүрийн хүчин зүйлс нөлөөлж байна. Өнгөрсөн гучин жилийн хугацаанд алдсан боломжоо эргэж олъё л гэж байгаа. Ингэхийн тулд эдийн засгаа тэлье, чадавхтай болъё гээд Хамтарсан засгийн газар байгуулах шийдэлд хүрсэн. Энэ асуудлаар 24 цаг хуралдаж байж шинэ засгийн газрыг байгуулсан.

Олон нийтийн итгэлцлийг сэргээх үүднээс ерөнхий сайд хүүтэйгээ холбоотой асуудалд маш хурдан хариу өгөх ёстой. Хамтарсан засгийн газрын тухайд МАН-ын бага хурал ямар шийдвэр гаргахаас бүх зүйл шалтгаалахаар болж байх шиг байна гэв.

---