Утаагүй тамхины хэрэглээг  эрх зүйн зохицуулалттай болгохыг УИХ-ын гишүүдэд сануулсан www.khorbaga.mn/petition өргөх бичигт 10 мянга гаруй иргэд гарын үсгээ зурж, цааш нь бусдад мэдээлэл хүргэсэн байгаа нь ардчилсан улсад иргэдийн санаачилсан үйл ажиллагаа бол хамгийн том хүч гэдгийг нотлон харуулж байна.

Монгол Улс бусад олон орны нэгэн адил нийгмийн эрүүл мэндийн ноцтой сорилтуудтай тулгарч байна. Тэдгээрийн нэг болох тамхины хэрэглээг онцгойлон дурдах хэрэгтэй. Тамхи татах нь урдчилан сэргийлэх боломжтой нас баралтын гол шалтгаан болсон хэвээр байна. Залуусын дунд тамхидалт нэмэгдсээр байна. Гэтэл одоогийн баримталж буй бодлогын хүрээнд асуудлыг уг мухраар нь шийдвэрлэх талаар тун бага ажил хийгдэж байгаа юм.

Тамхины хяналтыг хэрэгжүүлэх арга барилыг аваад үзэхэд хориглох, шийтгэх арга олон жил зонхилсоор байна.

Тамхичин хүмүүст муу нэр зүүж, торгууль төлбөр ногдуулдаг ч тамхинаас гарах эсхүл тамхины хорыг багасгах бодит тусламж, дэмжлэг үзүүлдэггүй

Иргэд бүхэлдээ бодлогын хэлэлцүүлгийн гадна үлдэх тохиолдол олон боловч тэр бодлогын үр дагаварыг иргэд л амсдаг.

Khorbaga.mn веб сайтад байршуулсан өргөх бичиг бол энэ байдлыг өөрчлөх зорилготой юм. Өргөх бичгийн хамгийн чухал үр дүн нь одоогийн байдлаар иргэдийн идэвх, оролцоог дахин сэргээсэн явдал юм. Хүмүүс улс төрөөс хөндийрөх хандлага нэлээд газар авсан энэ үед khorbaga.mn веб сайт нь иргэд улс орны бодлогыг тодорхойлоход бодитой оролцох нэг арга зам болж байна.

Энэ нь зөвхөн эрүүл мэндийн мэргэжилтнүүд, бодлого тодорхойлогч нарт хамаатай биш. Гар утастай, дуу хоолойгоо өргөх хүсэлтэй, гарын үсгээ зурахад бэлэн хэн ч байсан шинэтчлэл хийхийг шаардаж байгаа энэ аянд нэгдэх боломжтой.

Энэ цахим платформ нь зөвхөн гарын үсэг цуглуулах хэрэгсэл төдий биш. Энэ бол олон нийт санал бодлоо солилцох орон зай бөгөөд, хүмүүс уншиж, суралцаж, эргэцүүлж, үйлдэл хийж болно. Энгийн үг хэллэгээр ойлгомжтой шаардлага тавьж, хүмүүсийг нээлттэй урьж оролцуулж байгаа учраас энэхүү өргөх бичиг нь жирийн иргэдийг бодлогын маргаан, мэтгэлцээнд оролцоход гол хаалт болдог зүйлийг арилгасан юм.

Мөн хүмүүс хоолоо идэж байхдаа, анги танхимдаа, нийгмийн сүлжээнд хор багасгах тухай, ил тод байдлын тухай, төр засаг жинхэнэ утгаар ард түмнээ төлөөлнө гэж юу болох тухай хоорондоо харилцан ярилцах сонирхлыг өдөөж өгч байгаа юм.

Khorbaga.mn веб сайтанд байршуулсан өргөх бичгийн хамгийн их анхаарал татаж байгаа нэг онцлог зүйл нь нийтийн үйл хэргийн төлөө нийгмийн өөр өөр хэсэг, бүлгийг нэгтгэж чадаж байгаад оршино.

Эмч нар болон өвчтэй хүмүүс. Тамхи татдаг болон татдаггүй хүмүүс. Хөдөөний хүмүүс болон хот суурингийн залуучууд. Тэднийг нэгтгэж байгаа зүйл нь монголчууд эрүүл мэндийн илүү сайн бодлогын үр шимийг хүртэх эрхтэй бөгөөд ийм бодлогыг шийтгэх цээрлүүлэх, улстөржих аргаар бус бусдын төлөө гэсэн сэтгэлээр, шинжлэх ухааны үндэстэй гаргах ёстой гэдэгт тэд бүгд итгэж байгаад оршино.

Нийгмийн сүлжээнд #ХорБага гэсэн хаштагтай тавьсан пост маш хурдан түгэн дэлгэрч, донтолт, шинэчлэл, хувь хүний сонголт зэрэг асуудлаар өргөн хэлэлцүүлэг өрнөж байна. Төрийн бус байгууллагууд цахим хэлэлцүүлэг зохион байгуулж, залуусын клубууд хэвлэмэл хуудас тарааж, эмнэлгийн ажилтнууд өргөх бичгийн талаарх мэдээллийг эмнэлэг дотроо түгээж байна.

Өргөх бичгийн гол цөм нь илүү сайн боловсруулсан бодлого гаргахыг шаардаж байгаа юм.

Хуулийг шинэчлээд зогсохгүй олон улсын туршлага, өөрийн улсын бодит нөхцөл байдлыг үндэслэн илүү ухаалаг, үр нөлөөтэй шийдэл гаргах нь чухал байна

Khorbaga.mn веб сайтаар дамжуулан өрнөж байгаа кампанит ажлын хүрээнд эрүүгийн хариуцлагаас татгалзаж, нийгмийн эрүүл мэндийн арга хандлагыг чухалчилж, хүмүүст тамхины хэрэглээгээ багасгах, зогсооход нь туслах саналыг дэвшүүлж байгаа юм. Үүнд:

-Тамхины хорыг багасгах сэдвээр үндэсний хэмжээнд сургалтын хөтөлбөр хэрэгжүүлэх
-Шатдаг тамхинаас бусад өөр хувилбарыг нээлттэй, зохицуулалттай болгох
-Тамхи татдаг хүмүүст хувийн үзэл, хандлагад автахгүйгээр эмнэлгийн тусламж үзүүлдэг болгох зорилгоор эмч нарт дэмжлэг үзүүлэх

Энэхүү өргөх бичиг нь бүр цааш асуудлын гүн рүү орж, ерөөс бодлого боловсруулж буй арга барилыг шүүмжилж, засаж сайжруулахыг зорьж байгаа юм.

Бодлого тодорхойлогч нарт хандан, нийтийн сонсгол явуулах, хараат бус эрүүл мэндийн судалгааны үр дүнг авч үзэх, шинээр гарсан хууль нь тэгш бус байдлыг дордуулах буюу хамгийн эмзэг хэсэгт хүрч нөлөөлөх эрсдэлээс хамгаалахыг хүсч шаардаж байгаа юм.

Хүн бүрийн дуу хоолой чухал. Хүн бүрийн гарын үсэг чухал. Хүмүүсийн хооронд харилцан яриа өрнөх бүрд бид нэг алхам урагшилж, Монголд төр засгийн бодлого нь шударга, эрүүл мэндийг голлон анхаардаг, хүн бүрийн оролцоог хангадаг болох цаг үе рүү ойртож байгаа юм.

www.khorbaga.mn/petition веб сайтад та өнөөдөр зочлоорой. Өргөх бичигтэй танилцаж, гарын үсгээ зурж, цааш нь түгээхийг хүсье. Гэр бүлийнхэн, найз нөхөд, төлөөлөгч нартаа энэ тухай ярьж өгөөрэй.

Өөрчлөлтийг авчрахын тулд та өөрөө эмч юмуу бодлого тодорхойлогч байх албагүй. Та санаагаа чилээж, тодорхой алхам хийх л хэрэгтэй.

Бид хамтдаа Монголоо илүү эрүүл чийрэг, илүү хүчтэй, илүү ардчилсан болгож чадна.

---