Бусдыг захиалгаар алуулсан Ё.Баттөгсийн шүүх хурал өчигдөр болжээ.

Тодруулбал, Бусдыг захиалгаар алуулсан гэх хэрэгт сэжиглэгдэн шалгагдаж байхдаа оргон зайлсан Ё.Баттөгс гэх Монгол Улсын иргэнийг өнгөрсөн онд ЦЕГ-ын Интерполын Үндэсний төв товчооноос Австрали Улсын Интерполын Үндэсний төв товчоотой хамтран Монголд албадан авчирч, хэргийг  шалгаж эхэлсэн. Улмаар Прокуророос Ё.Баттөгсөд Эрүүгийн хуулийн 10.1.2-2.3, 2.5, 2.11 буюу хүнийг захиалгаар, өөртөө, бусдад эдийн, эдийн бус ашигтай байдал бий болгох зорилгоор, бүлэглэж алсан гэх зүйл ангиар яллаж, хэргийг шүүхэд шилжүүлсэн.

Ё.Баттөгсөд холбогдох хэргийг шүүх хурал өчигдөр /2025.05.05/ Баянгол, Хан-Уул, Сонгинохайрхан дүүргийн Эрүүгийн хэргийн анхан шатны тойргийн шүүхэд болжээ. Шүүхээс Ё.Баттөгсийг хүнийг захиалгаар алуулсан гэм буруутайд тооцож, түүнд 20 жилийн хорих ял оноожээ. 

Харин Ё.Баттөгсийн захиалгаар бусдыг алсан Э.А-д 19 жилийн хорих ял оноож байсан юм.

---