П.Батчимэг: Хүн ардынхаа хүнсний аюулгүй байдлыг хангахад чиглэсэн цогц арга хэмжээг хуульд тусгахаар ажиллаж байна
УИХ-ын даргын 2024 оны 42 дугаар захирамжаар байгуулагдсан Ажлын хэсгийн хүрээнд "Хүнсний тухай хуульд нэмэлт, өөрчлөлт оруулах тухай” хуулийн төслийн талаар олон нийтээс санал авах хэлэлцүүлгийг өнөөдөр зохион байгууллаа.
УИХ-ын гишүүн П.Батчимэг: Энэ удаагийн хэлэлцүүлэгт УИХ-ын гишүүн, ажлын хэсгийн ахлагч М.Мандхай болон бусад гишүүдийн хамт мэргэжлийн холбоод, эрдэмтэн судлаачид, Хүнсний аюулгүй байдлын үндэсний лавлагаа лаборатори, Олон улсын хөгжлийн хөтөлбөрийн байгууллагын төлөөлөгчид болон холбогдох яам, хувийн хэвшил, иргэдийн төлөөлөлтэй уулзаж хуулийн нэмэлт өөрчлөлтийн төслийн талаар хэлэлцлээ.
Монгол хүний эрүүл байх үндэс бол Хүнсний аюулгүй байдалтай шууд холбоотой. Иймд дээрх хуулийн төслийн нэмэлт өөрчлөлтөөр хүнсний аюулгүй байдлыг хангах, хяналт шинжилгээг боловсронгуй болгох, төрийн бодлого зохицуулалтыг сайжруулах зэрэг хүн ардынхаа хүнсний аюулгүй байдлыг хангахад чиглэсэн цогц арга хэмжээг тусгахаар зорин ажиллаж байна гэлээ.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.