УИХ-ын гишүүн М.Бадамсүрэнээс цаг үеийн асуудлаар зарим зүйлсийг тодрууллаа. 

УИХ-ын гишүүн М.Бадамсүрэн:

-Үнийн өсөлтийг яах вэ гэдэг асуудлыг л иргэд ярьж байна. Татварыг тэглэснээр үнэ өсөхгүй гэдэг баталгаа байна уу? Импортыг чөлөөлж болно, нөгөө талдаа экспортыг дэмжих ёстой. Улаанбуудай экспортын бараа учраас экспортлохгүй гэдэг. Монопол аж ахуй нэгжүүд улаан буудайг хямд өртгөөр авч байгаа нь үнэн. Улаанбуудайн урамшуулал дээр л тариаланчид маань явж байна. Зах зээлийн зарчмаараа л явах хэрэгтэй байна. Газар тариалангийн салбарыг бүхэлд нь цогцоор нь авч үзэх ёстой гэж бодож байна.

Миний хувьд хүүхдийн хөгжлийн дэмжих тухай хуулийн төслийг боловсруулж байна. Хүүхдүүдийг сургууль, цэцэрлэгт найдаад үлдээж байна. Хүүхдийн авьяас чадварыг амралтын өдрүүдэд бусад цаг үед хөгжүүлэх хэрэгтэй байна. Хувь хүний хөгжлийг бодлогыг дэмжсэн хууль шаардлагатай байна. Хятад улсад гадаад хэл, математикийн сургалтад хүүхэд хамгийн ихээр хамрагддаг. Хүүхдийг сонголтоор нь олон төрлийн дугуйланд хамрагдах боломжийг олгох хэрэгтэй.

Дорнод аймагт гэхэд 15 мянган хүүхэд бага дунд ангид суралцдаг. Дорнод аймагт үйл ажиллагаа явуулдаг аж ахуй нэгжүүд нэг хүүхдэд сар бүр 30 мянган төгрөг олгодог. Үүн дээр нэмээд хүүхдийн мөнгөнөөс 20 мянган төгрөгийг нэмээд нийт 50 мянган төгрөг. Ингээд хүүхэд өөрөө сонголтоороо ямар нэг сургалтад хамрагддаг. Мөн энэ нь багш нарыг дэмжиж байгаа хэлбэр юм. НЗДТГ-ын хуучин байрыг Хүүхэд хөгжлийн төв болгож болгох хэрэгтэй гэв. 

---