?LIVE: Ц.Мөнхтуяа: Шинэ Монгол сургуулийн “Сургуулийн менежмент” төсөлд Боловсролын яамнаас 1.2 тэрбум төгрөг шилжүүлсэн
"Боловсролын сайд Б.Наранбаяр, УИХ-ын гишүүн Ж.Галбадрах нарын хамааралтай Шинэ Монгол сургуулийн “Сургуулийн менежмент” төсөлд Боловсролын яамнаас сургуулиудаар дамжуулан 1.2 тэрбум төгрөг шилжүүлсэн нь гэмт хэрэг" гэж УИХ-ын гишүүн Ц.Мөнхтуяа хэлж байна.
УИХ-ын гишүүн Ц.Мөнхтуяа:
-Боловсролын сайд Б.Наранбаяр, УИХ-ын гишүүн Ж.Галбадрах нарыг нэг баг гэж ажиллаж байсан гэдгийг бүгд мэддэг. Шинэ Монгол сургуулийн гүйцэтгэх захирлаар ажиллаж байсан Боловсролын сайд Б.Наранбаяр Шинэ монгол сургуулийн менежментийг сайжруулах төслийг 120 сургуульд хэрэгжүүлнэ гээд яамны төсвөөс 1.2 тэрбум төгрөгийн санхүүжилт авсан. Ингээд шилжүүлсний дараа буцаагаад 10 сая төгрөгийг Шинэ Монгол сургуулийн дэргэд сургалт судалгааны хүрээлэнгийн данс руу шилжсэн. Ингээд цахимаар тус хичээл нь ордог, ач холбогдол багатай. Багш нар ч энэ талаар надад мэдээлэл ирүүлж байна. Авлига ашиг сонирхлын зөрчилтэй шийдвэр гаргасан гэж үзэж байна. Би хүн гүтгээгүй. Тангараг өргөөд гишүүн болсон энэ хүн гэмт хэрэг хийсэн гэж харж байгаа гэв.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.