УИХ-ын чуулганы ирц бүрдэхгүй байна
Өглөө 10 цагт зарлагдсан УИХ-ын чуулганы ирц 12:30 цагийн байдлаар 40 орчим хувьтай xуулганы танхимд 20 орчим гишүүн байна. УИХ-ын дарга болон тэдгээр гишүүд чуулганы ирц бүрдэхийг хүлээн үндсэндээ бүтэн 2 цаг гаруй хугацааны турш сууж байна.
Өнөөдрийн УИХ-ын чуулганы нэгдсэн хуралдаанаар
- Засгийн газрын гишүүн-Хүнс, хөдөө аж ахуй хөнгөн үйлдвэрийн сайдыг томилох тухай асуудал;
- Зарим байнгын хорооны бүрэлдэхүүнд өөрчлөлт оруулах тухай Улсын Их Хурлын тогтоолын төсөл;
- Эрүүл мэндийн тухай хуульд нэмэлт, өөрчлөлт оруулах тухай хуулийн төсөл
- Сэргээгдэх эрчим хүчний тухай хуульд нэмэлт, өөрчлөлт оруулах тухай хуулийн төсөл зэрэг 20 орчим хууль, тогтоомжийг хэлэлцэх юм.
Нэн яаралтай хэлэлцэх ёстой байсан Ашигт малтмалын тухай хуульд нэмэлт, өөрчлөлт оруулах тухай хуулийн төслийг өчигдрийн чуулганаар /12.06/ хэлэлцэх асуудлаас хойшлуулсан юм.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.