Дэлхийн шинэ аваргатай болох уу?
Мэргэжлийн дартсын корпорацаас зохион байгуулж буй дэлхийн аварга шалгаруулах тэмцээний хагас шигшээд өрсөлдөх дөрвөн тамирчин тунан үлдлээ.
Урьд шөнө шөвгийн наймын тоглолтууд ширүүн өрсөлдөөнтэй явагдаж өндөрлөлөө. Онцлох тоглолтыг нэрлэвэл: Дэлхийн хошой аварга Петр Врайт 5:2 харьцаагаар Стефен Бантид, дэлхийн аварга Гервин Прайс 5:3 харьцаагаар Крис Добейд хожигдон тэмцээнээ өндөрлүүллээ.
Хагас шигшээд дэлхийн гурван удаагийн аварга Майкл Ван Гервенийг эс тооцвол тунан үлдсэн гурван Англи тамирчны хувьд өмнө дэлхийн аварга болж байгаагүй ч хэн хэн нь ДАШТ-ий шөвгийн найм, хагас шигшээ, шигшээ тоглолтод хүртэл өрсөлдөж үзсэн тамирчид юм.
Эдгээр дөрвөн тамирчныг нэрлэвэл:
- Дэлхийн гурван удаагийн аварга Нидерландын Майкл ван Гервен
- 2023, 2024 оны ДАШТ-ий шөвгийн наймд шалгарч байсан Английн Крис Добей
- 2024 оны ДАШТ-ий үзүүр түрүү Английн Лук Литтлер
- 2021 оны ДАШТ-ий хагас шигшээд шалгарч байсан Английн Стефен Банти нар тун үлдээд байна.
Сурталчилгаа
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.