Бөхчүүд улсын начин Ө.Батзул агсны зураг бүхий футболкоор жигдрэв

Чөлөөт бөх болон жүдо бөхийн багийн халз барилдааны үеэр чөлөөтийн багийнхан Орхон аймгийн Баян-Өндөр сумын харьяат улсын начин Өлзийсайханы Батзул агсныг дурсаж, түүний зураг бүхий футболкоор жигдэрчээ.

Улсын начин Ө.Батзул 2020 онд Орхон аймгийн баяр наадамд түрүүлж аймгийн арслан цол, 2022 онд Ардын хувьсгалын 100, 101 жилийн ойн баяр наадамд аймгийн хурц арслан Б.Амарсанаагаар дөрөв, улсын начин Д.Хүдэрбулгаар тав давж Монгол Улсын начин цолыг хүртэж байсан. Мөн чөлөөт бөхийн -97 кг-ын жиндээ Монголын шилдгүүдийн нэг байсан бөгөөд Азийн аваргаас хоёр удаа мөнгөн медаль хүртэж байсан нэгэн.

Харамсалтай нь тэрбээр Орхон аймагт болох тэмцээнд зодоглох гэж яваад авто осолд орж зуурдаас нас барсан юм.